పాలల్లో కల్తీని పసిగట్టే స్కానర్‌

పాలల్లో కల్తీని సేకరణ కేంద్రాల వద్దే పసిగట్టేందుకు కేంద్రం సరికొత్త పరికరాన్ని రూపొందించింది. చేతిలో ఇమిడిపోగల ఈ పరికరానికి ‘‘క్షీర్‌ స్కానర్‌’’గా నామకరణం చేశారు. ఈ పరికరంలో పాలు పోయగానే అవి ఏ స్థాయిలో కల్తీ అయ్యాయో సవివరంగా స్ర్కీన్‌పై కనిపించడం దీని ప్రత్యేకత. శాస్త్ర, పారిశ్రామిక పరిశోధన మండలి (సీఎ్‌సఐఆర్‌) శాస్త్రవేత్తలు.. పిలానీలోని కేంద్రీయ ఎలకా్ట్రనిక్స్‌ ఇంజనీరింగ్‌ పరిశోధన సంస్థ దీన్ని సంయుక్తంగా తయారుచేశాయి. శనివారం న్యూఢిల్లీలో కేంద్ర శాస్త్ర, సాంకేతిక, భూ శాస్త్ర శాఖ మంత్రి హర్షవర్ధన్‌ ఈ పరికరాన్ని జాతికి అంకితం చేయనున్నారు. ఈ అత్యాధునిక పరికరం పాలల్లో కల్తీని ఎలకో్ట్ర కెమికల్‌ పద్ధతిలో ఇట్టే పసిగట్టేస్తుంది. యూరియా, ఉప్పు, డిటర్జంట్‌, లిక్విడ్‌ సోప్‌, బోరిక్‌ యాసిడ్‌, కాస్టిక్‌ సోడా, సోడా, హైడ్రోజన్‌ పెరాక్సైడ్‌ తదితర కల్తీ పదార్థాలను కనిపెడుతుంది. గ్రామీణ పాల సేకరణ కేంద్రాల్లో ఈ పరికరాన్ని అతి సులువుగా ఉపయోగించుకోవచ్చు. రాజస్థాన్‌, ఉత్తరప్రదేశ్‌, హర్యానాల్లోని ప్రభుత్వ డెయిరీలు, సేకరణ కేంద్రాల్లో క్షీర్‌ స్కానర్‌ను పరీక్షించామని, ఫలితాలు అద్భుతంగా ఉన్నాయని ఉన్నతాధికారి ఒకరు ‘ఆంధ్రజ్యోతి’కి తెలిపారు. వీటిని దేశవ్యాప్తంగా అన్ని ప్రభుత్వ డెయిరీలకు అందజేయడంతోపాటు సేకరణ కేంద్రాల్లో అందుబాటులోకి తెస్తామన్నారు.

When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.